Ֆրանչիսկոս Քահանայապետը Ընդունեց Սլովէնիոյ` Մարիպոր Եւ Լիուպլիանայ Թեմերու Եպիսկոպոսներու Հրաժարականը։

Ֆրանչիսկոս Սրբազան Քահանայապետը, 31 յուլիսին, ընդունեց Մարիպորի Արքեպիսկոպոս` գերապայծառ Մարիան Դունչէքի եւ Լիուպլիանայի Արքեպիսկոպոս գերապայծառ Անտոն Սդրէսի` Կաթողիկէ Եկեղեցւոյ կանոնագրութեան համաձայն ներկայացուցած հրաժարականի գիրերը։

Սլովէնիոյ առաքելական դեսպանութիւնը այս մասին արտայայտուելով հաստատած է թէ ''պարտադիր որոշումը'' առնուած է ''թեմերու տնտեսական ծանր պատճառներու բերումով'', յոյս յայտնելով որ այս քայլը սատարէ Սլովէնիոյ եկեղեցւոյ վերանորոգումին։ Սրբազան Հայրը հուսկ գերապայծառ Անտրէյ Կալավանը` Նովօ Մէսդոյի եպիսկոպոսը նշանակած է առաքելական հոգաբարձու` Լիուպլիանայի թեմին, մինչ գերապայծառ Սդանիզլաւ Լիբովչէքը նշանակած է Մարիպոր թեմի առաքելական հոգաբարձու։